Kongresuaren gehiengoa UPV/EHUren Leioako kanpusean izango da, zeinetan UPV/EHUren Zientzia eta Teknologia fakultateak (ZTF-FCT) programaren parte handiena eta Garai Kafetegiak kongresuko otorduak hartuko dituzten. Hala ere, bai lehen eguneko goiza, baita dibulgazio ekintza ere (publikoari irekia dena) Bizkaia Aretoan izango dira. Beste ekintza batzuk ere, afari soziala esaterako, Leioako kanpusetik kanpo ospatuko dira. Ekintza hauen kokapenari buruzko informazio gehiago 2024an zehar emango da.
Bizkaia Aretoa
(Astelehen Goiza)
BA-ren Web-a
Bilbo erdigunean kokatuta (Abandoibarra Etorbidea 3), Bizkaia Aretoa UPV/EHUren ekitaldi sozial, kultural, akademiko eta zientifikoetarako eraikin adierazgarriena da, izan unibertsitateak berak zein beste erakunde batzuek antolatuta. Horregatik, astelehen goizean kongresua Bizkaia Aretoan hasiko da, eta ondoren Leioako kanpusera lekualdatuko da astelehen arratsalde eta gainerako egunetarako.
Bizkaia Aretoko Mitxelena auditorioa
Marta Macho Stadler-en hitzaldi batean
Kongresuko ekimen guztiak Bizkaia Aretoaren beheko soilairuan izango dira: erregistroa eta kaferako etena harreran izango dira, eta irekiera ekitaldia eta astelehen goizeko hitzaldi nagusiak Mitxelena auditorioan, harreratik erraz aurki daitekeena. Azken hitzaldi nagusiaren ondoren, Leioako kanpusera autobusez lekualdatuko da kongresuaren gainerakoa bertan ospatzeko.
Leioako kanpusa
(Egoitza Nagusia)
Kanpuseko Planoa
Bilboren inguruneetan kokatuta, Laioako Kanpusa UPV/EHUren bereizgarri nagusia da bai artean eta baita zientziatan ere. Honen baitan, Zientzia eta Teknologia fakultatea izango da kongresuaren gehiengoa hartuko duena, astelehen goiz eta asteazken arratsaldeak salbu. Parte hartzaileen asistentzia errazte aldera, eta garraio publikoa ez saturatzeko asmoz, autobus zerbitzu bat eskainiko da (zeini buruzko informazioa orrialde honen amaieran aurkitzen den). Norbere kabuz kanpusera iristeko, ikus Bilboko garraio publikoari buruzko orrialdea edo, kongresura kotxez etorritako kasuan, hura erabil liteke kanpuserako joan-etorrietarako.
Azpian ikus daiekeen Leioako kanpuseko planoan, UPV/EHUren Zientzia eta Teknologia fakultatea (ZTF-FCT) aurki dezakegu cyan kolorez, Garai Kafetegia, otorduak hartuko dituena, magentan eta publiko orokorrarentzako aparkalekuak horiz—‘P’ beltz batekin markatuta. Puntu guzti hauetara erraz irits daiteke oinez, eta kanpusa egokituta dago mugikortasun mugatua duten pertsonentzako.
Azpiko botoiak sakatuta Leioako kanpuseko bi mapa deskarga daitezke: orrialde honetan erakutsitako mapa (erresoluzio altuan) eta detaile gehiagoko mapa bat legenda guztiekin.
Zientzia eta Teknologia Fakultatea (ZTF-FCT) Fakultatearen Web-a
Leioako kanpusaren baitan posizio zentralean kokatuta UPV/EHUren Zientzia eta Teknologia Fakultatea kongresuaren egoitza nagusia izango da.
Paraninfoa
(Hitzaldi nagusiak & Mahai-inguruak)
ZTF-FCTren paraninfoa, 275 partaideko aforoarekin, fakultatearen ekitaldi gela nagusia da. Bertan izango dira kongresuko hitzaldi nagusi eta mahai-iguruak.
Grand Salle
(Coffee Break-ak & Poster saioak)
ZTF-FCTren Grand Salle-a 300 laguneko aforoa duen espazio zabala da. Bertan izango dira coffee break-ak (kaferako pausak) eta poster saioak.
Ikasgelak
(Saio Paraleloak)
ZTF-FCTak guztiradozentziatako 56 ikasgela dauzka. Horietako denek ordenadore, proiektore eta arbela bana dute. Kongresuko saio paraleloak ikasgela horietan izango dira. Behin programa definituta dagoenean, saio paralelo eta kongresuko ekintzak zein ikasgeletan izango diren argitaratuko da.
ZTF-FCTren mapa
ZTF-FCTren mapa eskuragarri egongo da behin kongresua ospatuko den ikasgelak zein diren zehaztuta dagoenean.
Garai Kafetegia Kafetegiaren Web-a
Garai kafetegia arduratuko da kongresuko bazkariez. Horri buruzko detaile gehiago 2024an zehar emango dira.
Leioako kanpuserako garraioa
(Autobus zerbitzua)
Garraio publikoa ez saturatu eta parte hartzaileen etorrera errazteko, autobus zerbitzu bat antolatuko da Bilbo hiria eta UPV/EHUko Leioako kanpusaren artean. Edozein kasutan, beraien kabuz bertaratu nahi dutenek garraio publikoa erabil dezakete. Aukera posibleak ikusteko kontsultatu Bilboko garraio publikoei buruzko orrialdea.
Autobus zerbitzuari buruzko informazioa aurrerago adieraziko da, kongresurako hilabete batzuk falta direnean.